الكورة في الدوبيت السوداني

شاعر العريجاء الثلاثاء أغسطس 27, 2013 7:22 am

الكورة في شعر الدوبيت

كرة القدم تعتبر من المفرزات الحضارية العصرية، والتي لم يعرفها أهل في السودان قبل فترة الحكم الثنائي، ولكن كثير من شعراء الدوبيت في السودان استغلوا بعض معلوماتهم عن الكورة لرسم لوحات شعرية بديعة يصفون فيها المحبوبة وما يجدونها نحوها من لواعج الشوق والغرام...

يقول أحدهم:
معلّى قفاهو مكلوف الرشيد هارون
بالباكات ورا، وحارس الشبك مضمون
مباراة عجيبة، والحكم المعاك ما بخون
متحاورين للصباح لامن طلعنا درون

ويقول شاعر آخر:
جمال مريودتي زي دعم العجم في اللون
وأنضف من قمر عشرة المضوي الكون
عملت قلبي كورة ورتّبتلوا فنون
ومرة تشوتوا آوت ومرة جوة القون

ويقول شاعر ثالث:
آسيا أجمل صورة
عملت قلبي ميدان كورة
تسرح فيهو تلعب، فايقة مي مجبورة
شوتة على المصاطب وشوتة في المقصورة

الصديق عبدالرحمن طه الأحد أكتوبر 06, 2013 9:37 am

لك التحية استاذي اسماعيل علي هذا المعين الذي لاينضب ولك الشكر ايضا علي تواجدك بالمنتدي

الكورة في الدوبيت السوداني

الكورة في الدوبيت السوداني

رد: الكورة في الدوبيت السوداني